ग्याँस सिलिन्डर विस्फोट भएर गम्भीर घाइते भएकी सांसद चन्द्र भण्डारीकी आमा हरिकला भण्डारीको आज बिहान निधन भएको छ ।
हरिकलाको उपचारका क्रममा कीर्तिपुर बर्न अस्पतालमा आज बिहान १० बजेर ५७ मिनेटमा निधन भएको मेडिकल डाइरेक्टर डा. निजिना ताम्राकारले जानकारी दिएकी छिन् । उनको शरीरको ७० प्रतिशत भाग जलेको थियो ।
काठमाडौं बुद्धनगरस्थित घरमा गएराति साढे १० बजे भएको विस्फोटमा परेर आमाका साथै छोरा सांसद भण्डारी पनि गम्भीर घाइते थिए । उनको बर्न अस्पतालमा उपचार सम्भव नभएपछि थप उपचारको लागि भारतको मुम्बई लगिँदैछ ।
