ट्रान्सपरेन्सी इन्टरनेशनलले सार्वजनिक गरेको भ्रष्टाचार सम्बन्धी विश्वव्यापी सूचकाङ्क (सीपीआई) –२०२२ अनुसार नेपाल १८० देशमध्ये ११० औं स्थानमा रहेको छ। यसको मतलब नेपाल भ्रष्टाचार गर्ने देशहरुको अग्रमोर्चामा नै रहेको छ।
छिमेकी राष्ट्र भारत ४० अंकसहित ८० औं स्थानमा रह्दा नेपाल १०० मा ३४ अंक पाएर ११० औँ स्थान ओगटेको हो। अर्थात् नेपाल भन्दा भारत निकै कम भ्रष्ट रहेको छ ।यस्तै सबैभन्दा बढी भ्रष्टाचार हुनेमा १०० मा १२ अंकसहित सोमालिया रहदै गर्दा सबै भन्दा कम भ्रष्टाचार हुने मुलुकमा १०० मा ८० अंकसहित डेनमार्क रहेको छ।
यसअघि सन् २०२१ मा नेपाल ३३ अंकसहित ११७ औं स्थानमा रहेको थियो । गत वर्ष भन्दा ७ स्थानले झरेको देखिए पनि अंक भने १ मा सुधार हुँदा नेपाल उत्तिकै भ्रष्ट रहेको देखिन्छ ।
यस्तै विश्वको दोस्रो ठूलो शक्ति छिमेकी राष्ट्र चीन ४५ अंकसहित ६५ औं स्थानमा अर्थात् भारत भन्दा पनि कम भ्रष्ट रहेको छ । विश्वको महाशक्ति राष्ट्र अमेरिका ६९ अंकसहित २४ औं स्थानमा रहेको छ।
