बर्दियाको ठाकुरबाबा नगरपालिका–५ वनकट्टी नजिक ट्रक र मोटरसाइकल ठोक्किँदा एक जनाको ज्यान गएको छ ।
भुरिगाउँबाट धान लिएर जाँदै गरेको भे १ ख ३८३७ नम्बरको ट्रक र भे ७ प ४६८२ नम्बरको मोटरसाइकल ठोक्किँदा मोटरसाइकल चालक ठाकुरबाबा नगरपालिका–५ शाहिपुरका २६ वर्षीय आशिष थारुको ज्यान गएको हो ।
थारुको ज्यान गएपछि उनका आफन्तले क्षतिपूर्तिको माग गर्दै पूर्व पश्चिम राजमार्ग अन्तर्गत बर्दियाको भुरीगाउँ बजार र गुलरिया जाने हुलाकी सडक खण्ड अवरुद्ध पारेका छन् ।
ट्रक र चालकलाई नियन्त्रणमा लिइएको बगनाह भुरिगाउँका प्रहरी निरीक्षक पवन पछाईले जानकारी दिए । पीडित पक्षसँग वार्ता गरी सहमतिमा ल्याउने र अवरुद्ध सडक खुलाउने प्रयास भइरहेको प्रहरीले जनाएको छ ।
