सरकार गाभीमार्फत ओमिक्रोनको नयाँ भेरियन्टलाई काम गर्ने नयाँ खोप ल्याउने प्रक्रियामा छ । स्वास्थ्य सेवा विभाग व्यवस्थापन महाशाखा अन्तर्गतको आपूर्ति व्यवस्थापन शाखा प्रमुख डा सुरेन्द्र चौरसियाले गाभीमार्फत १५ लाख मात्रा नयाँ फाइजर खोप ल्याउन लागिएको जानकारी दिए । आकस्मिक प्रयोगका लागि अनुमति पाए लगत्तै खोप आउने उनको भनाइ छ । यस्तै, सातै प्रदेशमा १० वटा भण्डारण केन्द्रमा भेरोसेल, फाइजर गरी ४९ लाख १४ हजार ९१७ मात्रा रहेको आपूर्ति व्यवस्थापन शाखाले जनाएको छ ।
