नेपालगञ्जमा बाक्लो हुस्सु लागेपछि हवाई उडान प्रभावित भएको छ । विहानैदेखि बाक्लो हुस्सु लागेपछि भिजिविलिटी कम हुँदा हवाई उडान प्रभावित भएको हो ।
राँझा विमानस्थलमा हवाई उडान र अवतरणका लागि १६०० मिटर भिजिविलिटी आवश्यक पर्दछ । राँझा विमानस्थलका अनुसार अहिले भिजिविलिटी ८०० मिटर छ । हिजोदेखि बाक्लो हुस्सु लाग्न सुरु भएपछि हवाई उडान अनियमित भएको हो ।
हिजो पनि विहान सवा ११ बजेपछि मात्र विमानस्थल खुलेको थियो । नेपालगञ्जको न्यूनतम तापक्रम अहिले १४ डिग्री सेल्सियस छ। तापक्रम घटेसंगै दुई दिन यता चिसो बढेको छ।
