प्रदेश नम्बर ५ का १२ जिल्लालाई लक्षित गरी बाँकेको नेपालगंजमा सहकारी प्रशिक्षालय कार्यालय संञ्चालनमा ल्याईएको छ । गएको मंसिर ७ गतेबाट संञ्चालनमा ल्याईएको कार्यालयले अहिले सम्म लेखा तथा ब्यवस्थापन सम्बन्धी ४ वटा तालिम सम्पन्न गरी सकेको छ । प्रदेश मातहत रहेको कार्यालयले निशुल्क रुपमा संञ्चालन गर्ने सहकारी बिशेष तालिम बारेमा साथी प्रेम विश्वकर्माले सहकारी प्रशिक्षक तथा निमित्त प्राचार्य दिल कुमार ओली सँग गर्नुभएको कुराकानी हेर्नुहोस । यस्तो छ ।

१. तपाईहरुले दिने तालिम बारेमा जानकारी गराउनुहोस न ?
हामीहरुले अहिले मुख्य गरी सहकारी सँग सम्बन्धित ब्यक्तिहरुलाई, पदाधिकारीहरुलाई बिशेष गरी तालिम दिन्छौं । यसमा लेखापाल, ब्यवस्थापन लगायतका तालिम समावेश गरिएको छ । साथै सहकारी सम्बन्धि ज्ञान, सिप प्रदान गरिन्छ ।

२. पहिलेको डिभिजन सहकारी अहिले प्रशिक्षालय भएको छ, देशभरीमा यस्ता कति वटा कार्यालय छन ?
देशभरीमा एउटा केन्द्रिय प्रशिक्षण केन्द्र छ । त्यो संघिय सरकार अन्र्तगत पर्दछ । प्रदेश अन्र्तगत चाँही सुनसरीमा एउटा छ, चितवनमा अर्को एउटा छ भने बाँकेको नेपालगंजमा एउटा छ । यसरी ४ वटा कार्यालय रहेका छन ।

सुनसरीको दुई नम्बर प्रदेश अन्र्तगत पर्दछ । चितवनको चार नम्बर प्रदेश अन्र्तगत र बाँकेको पाँच नम्बर प्रदेश अन्र्तगत पर्दछ । प्रदेशको पनि मन्त्रालय छ, भुमि ब्यवस्था कृर्षि तथा सहकारी मन्त्रालय अन्र्तगत रहेको छ ।

३. कर्मचारी संरचना, भुमिका उस्तै हो की केही फरक छ, डिभिजन र प्रशिक्षालय हुँदाका बखत ?
भुमिका फरक छ, पहिले डिभिजन सहकारी कार्यालय हुँदा नियमन पनि गर्ने कार्य हुन्थ्यो । जसमा सहकारी संस्थाहरु दर्ता, चेकजाँँच लगायतका कामहरु थिए ।

तर अहिले त्यस्तो छैन । प्रशिक्षालय भएको हुनाले सहकारी सम्बन्धि तालिम मात्रै हुन्छ । अरु त्यस्तो नियमनको काम हुदैन ।

४. तालिम दिने काम त पहिले पनि हुन्थ्यो, डिभिजन हुँदा पनि हैन ?
हो तालिम पहिला पनि हुन्थ्यो । साथै नियमनको काम पनि हुन्थ्यो । पहिले दुबै हुन्थ्यो भने अहिले एउटा मात्र काम हुन्छ ।

५. नेपालका ७ वटै प्रदेशमा फरक–फरक प्रकृतिका धेरै सहकारी संस्थाहरु छन, ति सबैलाई एक ठाउँमा राखेर तालिम दिने हो की फरक–फरक हुन्छ ?
यसमा लेखा, ब्यवस्थापन सम्बन्धि तालिमहरु सबैको सँगै हुन्छ तर ब्यवासाय सम्बन्धीको फरक हुन्छ । यसमा ब्यवासाय अभिवृद्धिका कुराहरु बढी हुन्छन ।

६. तालिम संञ्चालनका लागी आवाश्यक पर्ने खर्च, स्रोत, साधान, दक्ष जनशक्ति हजुरहरु सँग पर्याप्त मात्रामा आईपुगेको छ ?
हजुर तालिम संञ्चालनका लागी आवाश्यक पर्ने सामाग्रीहरु छ, यसमा तोकी दिएकै हुन्छ, प्रदेशको मन्त्रालयले । त्यसैबाट हामी तालिम संञ्चालन गछौं । सहभागीहरुलाई आवासको ब्यवस्था यही छ, दैनिक भत्ताको सुविधा पनि रहेको छ ।

खाजा, प्रशिक्षालय सम्म आउन, जानका लागी यातायात बापतको रकमको सुविधा पनि यतैबाट हुन्छ । सबै तालिम सामाग्रीहरु पनि हामी आफै उपलब्ध गराउछौं । उहाँहरुको ब्यक्तिगत खर्च केही हुदैन ।

७. उसोभए सहकारीमा आवाद्ध भएको हुनु पर्यो, सिक्ने जोस, जाँगार हुन पर्यो हैन ?
हो, सिक्ने जोस जाँगार हुन पर्यो, उहाँहरुको कुनै पनि खर्च लाग्दैन । हामी सबै उपलब्ध गराउछौं । प्रदेशभित्रकै जिल्लाको हुन पर्यो फेरी । अर्को प्रदेशलाई चाँही हामी हेरदैनौं । यसका जिल्ला तहमा अरु कुनै पनि कार्यालयहरु छैन्न । सबै यहीबाट हुन्छ ।

८. जस्तो, कसैको तालिम लिने इच्छा छ, तर सहकारीमा आवद्ध हुनुहुन्न भने के गर्न सक्नुहुन्छ ?
उहाँहरुले पाउनुहुन्छ की पाउनुहुन्न, बाहिरकोलाई हामी यहाँ सिकाउदैनौं । यहाँ भित्र चाँही सहकारी सँग सम्बन्धित ब्यक्तिहरुलाई मात्र हुन्छ । यदि सहकारी भन्दा बाहिरकोले बाहिर तालिम आयोजना गरेर हामीलाई बोलाउनु भयो भने हामी तालिम दिन सक्छौं । तालिम खर्च जसले आयोजना गर्नुहुन्छ, उहाँहरुले नै ब्यहोर्नु पर्ने हुन्छ ।

९. तालिम लिने दिने प्रक्रिया बारेमा पनि भनिदिनुहोस न, यो नयाँ कार्यालय पनि हो ?
उहाँहरुले हामीलाई सिधै सम्र्पक गर्न सक्नुहुन्छ । हामी छनौट गरेर तालिमका लागी बोलाउँछौं । जुनसुकै समयमा जुन सुकै तालिम पनि संञ्चालन हुन सक्छ । यसमा हामी खबर गछौं । हाम्रो सामाजिक संञ्जाल फेसबुक पनि छ, सुचना पनि संम्प्रेशन गर्ने गर्दछौं । जिल्ला सहकारी संघहरुलाई पनि पत्र पठाउँछौं ।

उहाँहरु सँग सम्वन्य गरेर पनि आउन सक्नुहुन्छ, अथवा सिधै पनि हामीलाई सम्र्पक गरेर आउन सक्नुहुन्छ । तर तालिम लिने चाहाना चाँही हुन पर्यो । आवाश्यक भएका सक्रिय सहकारीहरुले आउन सक्नुहुन्छ । हाम्रो फोन नम्बर ०८१–५५०२५८ रहेको छ । यसबाट पनि केही जानकारी लिन सकिन्छ ।