सेवाग्राहीले जोखिम पुर्ण अवस्थामा आफुहरुले सेवा लिनु परेको गुनासो गरेको समाचार सार्वजनिक भएपछि भुमि सुधार तथा मालपोत कार्यालय नेपालगंज बाँकेले चासो दिएको छ ।
भुमि सुधार तथा मालपोत कार्यालय नेपालगंज बाँकेका प्रमुख प्रेम बहादुर दौल्यालले आज मातहतका सम्बद्ध कर्मचारी सँग सोधपुछ गर्नुभएको हो ।
कर्मचारीको कुरा सुनेपछि कार्यालय प्रमुख दौल्यालले सुरक्षित (स्पेश) भएको झ्यालबाटै अब नियमित समयमा सेवा दिन कर्मचारीलाई निर्देशन दिनुभएको छ ।
आफुले कार्यालयमा बढी कडाई गरेको भन्दै कार्यालय प्रमुख दौल्यालले रजिस्ट्रेसन, रोक्का लगायतका फाँटबाट सहजै सेवा प्रवाह गर्न लागी परेको बताउनुभयो ।
बिचौलीहरुलाई रोक्नका लागी प्रवेश गेटमा नै प्रहरी राखिएको पनि जानकारी दिनुभयो । सिस्टम अनुसार लाईनमा जो पहिला आउँछन उनीहरुलाई नै सेवा दिने काम भईरहेको भन्दै जेष्ठ नागरिक, अपाङ्गगता भएका ब्यक्ति, समस्यामा परेकालाई पहिलो प्राथामिक दिई कर्मचारीलाई काम गर्न भनीरहेको उहाँले बताउनुभयो ।
जनशक्तिको अभाव र सेवा ग्राहीको चापले गर्दा एकै पटक सबै सेवाग्राहीले चित्त बुझ्ने गरी काम गर्न नसकिएको स्विकार गर्दै उहाँले कर्मचारीको बोली ब्यवहार, आचारणमा सुधार ल्याउने प्रयास गरीरहेको बताउनुभयो ।
यस बिषयमा मंगलबार अनलाइन नेपालगंजबाट समाचार सार्वजनिक भएको थियो ।
