काठमाडौँ १० असोज- भारतले अघोषित रुपमा लगाएको नाकाबन्दीको बिरोधमा विद्यार्थी संगठनहरुले भोलि भारतीय राजदुतावास अगाडि विरोध प्रदर्शन गर्ने भएका छन् । आज बसेको विद्यार्थी संगठनहरुको संयुक्त बैठकले दुतावास अगाडि तथा ७५ वटै जिल्ला सदरमुकाममा विरोध प्रदर्शन गर्ने कार्यक्रम तय गरेको हो ।
अनेरास्ववियुको केन्द्रीय कार्यालय बागबजारमा बसेको संयुक्त विद्यार्थी संगठनको वैठकले नेपाल सरकार तथा संयुक्त राष्ट्रसंघलाई समेत ध्यानाकर्षण गराउने निर्णय गरेको अखिल अध्यक्ष किशोर मल्लले जानकारी दिनुभयो ।
बैठकमा भारतको नाकाबन्दीका विरुद्धमा विद्यार्थीदेखि सम्पूर्ण नेपाली संघसंस्थाहरुले आवाज उठाउनु पर्ने विषयमा बैठकमा छलफल भएको थियो ।
यसैबीच नेपालगंजमा विद्यार्थीहरुले भारतबिरुद्ध प्रदर्शन गरेका छन् । नयाँ संविधानको विरोधमा भारतले अघोषितरुपमा नाकाबन्दी गरेको भन्दै ािवद्यार्थीहरुले नेपालगंजमा प्रदर्शन गरेका हुन् ।
