तनहुँको व्यासनगरपालिका–१०स्थित महर्षि वेदव्यास संस्कृत माध्यमिक विद्यालयमा कक्षा १० मा अध्ययनरत एक विद्यार्थी मृत अवस्थामा फेला परेका छन् ।
व्यासनगरपालिका–७ घर भई हाल व्यास–१ भादगाउँ दिदीको घरमा बसेर अध्ययन गर्दै आएका पूर्णबहादुर राना मृत अवस्थामा फेला परेका हुन् । व्यासनगरपालिका–१ स्थित आदिकवि भानुभक्त बहुमुखी क्याम्पस परिसर नजिक राना मृत अवस्थामा फेला परेको जिल्ला प्रहरी कार्यालय तनहुँले जनाएको छ ।
जिल्ला प्रहरी कार्यालय तनहुँका प्रहरी निरीक्षक प्रेमशङ्कर चौधरीले शव दुर्गन्ध अवस्थामा भेटिएको जानकारी दिँदै घटनाबारे अनुसन्धान जारी रहेको बताउनुभयो मृतक राना झुन्डिएको अवस्थामा भेटिए पनि हातखुट्टामा गहिरो चोट लागेको संवेदनशिल अंग काटिएको हुनाले अनुसन्धान जारी रहेको प्रहरीको भनाई छ ।
