प्रधानमन्त्री सुशील कोईरालाले आन्दोलनकारी पक्षलाई वार्ताका लागि पटक पटक आग्रह गर्दा पनि अहिले सम्म सार्थक वार्ता हुन सकिरहेको छैन ।
आन्दोलनरत पक्षले वार्ताका लागि सर्तहरु अगाडी सारेपछि सार्थक वार्ता हुन नसकेको हो । मधेशी मोर्चा र थरुहट संयुक्त संघर्ष समितिले वार्ताका लागि छुट्टा छुट्टै सर्त राखेका छन् ।
तर सरकारी पक्षले भने वार्तामा आएर मात्रै सर्त राख्न आग्रह गर्दै आईरहेको छ । आन्दोलनकारीहरुलाई वार्तामा आएर सर्तका बारेमा छलफल गर्न सरकारले आग्रह गरेको छ ।
मधेशी मोर्चाका नेताद्धय महन्त ठाकुर र उपेन्द्र यादव हिजो राजधानी आएको भएपनि उहाँहरुले वार्ताको तयारी नगर्नु भएको बुझीएको छ ।
सरकारको नेतृत्व गरेको नेपाली काँग्रेसका प्रवक्ता दिलेन्द्र प्रसाद बडुले चाडै नै सार्थक वार्ता हुने विश्वास व्यक्त गर्नु हुन्छ । नेपालवाणी नेटवर्कसंगको कुराकानीमा उहाँले वार्ताको विकल्प नभएकाले चाडै नै सार्थक वार्ता हुने विश्वास गर्नु भयो ।
