बाँके । नेपालगन्ज वडा नंं १८ का नवनिर्वाचित पदाधिकारीहरुले पद बहाल गरेका छन् ।
मंगलबार नवनिर्वाचित अध्यक्ष दिपक कुमार बर्मा, सदस्यहरु दिग्विजय ढुंगाना, बलराम रेदास, आशा शाही, कृष्णावति चमारले पदभार ग्रहण गरेका हुन् ।
सो अवसरमा नवनिर्वाचित पदाधिकारीले वडाका स्थायी बासिन्दाहरुका लागि दुई बुंदे निर्णय पनि गरेका छन् । वडाका पूर्ण अपांगता भएकाहरुका लागि स्वास्थ्य बीमा र सुत्केरी भत्ता दुई हजार उपलब्ध गराउने निर्णय गरेका छन् ।
कार्यक्रममा नेकपा एमाले बाँकेका जिल्ला इन्चार्ज सुर्य ढकाल, केन्द्रीय सदस्य पशुपति दयाल मिश्र, श्याम शाक्य लगायतले शुभकामना दिएका थिए । निर्वाचन भाग लिएका प्रतिस्पर्धीहरु पनि सहभागी भएको कार्यक्रममा उनीहरुले वडाको सकारात्मक काममा सहयोग गर्ने प्रतिबद्धता जनाएका छन् ।
