१ जेठ, बाँके । माओवादी केन्द्रले बाँकेको कोहलपूरमा विजयी सुरूवात गरेको छ । कोहलपुरको १ नम्बर वडामा माओवादीको प्यानल नै विजयी भएको हो ।
शनिबार राति सम्पन्न मगतणना अनुसार उक्त वडाको अध्यक्षमा माओवादीका बद्रि प्रसाद जैशी विजयी भएका छन् । उनले जम्मा खसेको मतमध्ये ७२४ मत पाएका छन् । त्यहाँ जम्मा १९९० मत खसेको थियो ।
विजयी जैशीको प्यानलबाट महिला सदस्यले ७३४, दलित महिला सदस्यले ७३८ र दुई जना खुल्ला सदस्यले क्रमशः ७३४ र ७२० मत प्राप्त गरी जित दर्ता गराएका छन् ।
त्यस्तै, कोहलपूरको मेयरमा माओवादीका नरेन्द्र न्यौपानेले अग्रता लिँदा उपमेयरमा भने एमालेकी अस्मिता चाैधरी अगाडी देखिएकी छिन् । उनिहरूले क्रमशः ९२५ र ६०८ मत प्राप्त गरेका छन् ।
अहिले वडा नम्बर १५ को मतगणना जारी रहेको छ ।
