कोहलपुर । स्थानीय तह निर्वाचनमा नेपाली कांग्रेसबाट कोहलपुर नगर प्रमुखका उम्मेदवार पूर्णप्रसाद आचार्यले आफ्नो क्षेत्रमा शिक्षाको बिकासका लागि सधै प्रतिबद्ध रहने बताएका छन् ।
नेपाल विद्यार्थी संघ बागेश्वरी बहुमुखी पब्लिक क्याम्पस ईकाई कमिटिको आयोजनामा आयोजित कार्यक्रमलाई सम्बोधन गर्दै आचार्यले गुणस्तरियताका साथै प्राविधिक शिक्षाको विकासका लागि आफूले जोड दिने
बताएका हुन् ।
उनले नेपाली काँग्रेस कोहलपुरले आफ्नो घोषणा पत्रमा प्राथिमकता दिएर बागेश्वरी बहुमुखी क्याम्पसमा सञ्चालित सबै स्नाकोत्तर तहका कार्यक्रमलाई आधुनिक र व्यवस्थित गरी सञ्चालन गर्ने कुरा उल्लेख गरेको बताए ।
यस्तै क्याम्पसमा दक्ष जनशक्ति र प्राध्यापकसहितको बिज्ञ टोली गठन गरी अनुसन्धानको कार्य पनि अगाडि बढाईने उनले बताए । यसका साथै नगरपालिकाभित्र सञ्चालन गरिने विभिन्न योजना, नीति तथा कार्यक्रम निर्माण गर्नका लागि अनुसन्धान गरी कार्यलाई शसक्त रूपमा कार्यान्वयन गर्ने कुरामा उनले जोड दिए ।
