नेपालगञ्ज । नेकपा एमालेले बाँकेका आठवटै स्थानीय तहमा आफ्ना उम्मेदवार चयन गरेको छ । नेकपा एमाले केन्द्रीय बैठकले बाँकेमा सहमति हुन नसकेका तीन स्थानीय तहमा उम्मेदवारको नाम सार्वजनिक गरेको हो ।

सर्वसम्मत छनोट हुन नसकेका बाँके कोहलपुरको मेयरमा उम्मेदवार खिलप्रसाद भुसाल‚ उपमेयरमा अस्मिता थारु चयन भएका छन् भने बैजनाथ गाउँपालिकामा अध्यक्ष घननाथ खनाल‚ उपाध्यक्ष प्रेमपूर्ण योगी छनोट भएका छन् । त्यस्तै एमालेले राप्तीसोनारी गाउँपालिकामा अध्यक्षमा रामदास थारु र उपाध्यक्षमा चमेली वाकवलको उम्मेदवारी तय गरेको हो ।

यसअघि एमाले बाँकेले अन्य पाँच स्थानीय तहमा सर्वसम्मत उम्मेदवारीको नामावली प्रकाशित गरिसकेको छ । सर्वसम्मतमा नरैनापुर गाउँपालिकाको अध्यक्षमा पदमावति यादव, उपाध्यक्षमा रामकमार दिक्षित; डुडुवा गाउँपालिका अध्यक्षमा सरोजकुमारी यादव, उपाध्यक्षमा सकिल खा; नेपालगन्ज उपमहानगरपालिकाको मेयरमा पशुपतिदयाल मिश्रा, उपमेयरमा शान्ति ढकालको उम्मेदवारी तय गरेको हो ।

यसैगरी जानकी गाउँपालिका अध्यक्षमा हेमन्सु यादव, उपाध्यक्षमा भुमिसरा धिताललाई चयन गरेको छ भने खजुरा गाउँपालिका अध्यक्षमा सुमन मल्ल र उपाध्यक्षमा नजिरा बेगमको नाम टुंग्याएको हो ।

नेकपा एमाले केन्द्रीय सदस्य सूर्य ढकालका अनुसार सर्वसम्मत हुन नसकेका उम्मेदवारहरूको सवालमा प्रदेश कमिटी हुँदै केन्द्रिय कमिटीले अन्तिम निर्णय गरेको सुनाए ।