चेन्ज टिमको नेपालगन्जमा सरोकारवालासंग समन्वयात्मक बैठक सम्पन्न

नेपालगन्ज : परिवर्तन समूह ( चेन्ज टिम) ले बिहिवार नेपालगन्जमा मौखिक उपचार पद्धति, क्षती न्युनिकरण कार्यक्रम अन्तरगत सरोकारवालाहरु संग समन्वयात्मक बैठक सम्पन्न गरेको छ ।

चेन्ज टिमले आयोजना गरेको कार्यक्रममा चेन्ज टिमले हालका दिन सम्म गरेको कार्य लगायत चेन्ज टिमले गर्ने कार्यको बृस्तृत ब्याख्या गरेको थियो ।

२०६३ सालमा स्थापना भएर लगातार रुपमा एचआईभी एड्स , हेपाटाइटिस र लागू औषध जस्ता क्षेत्रमा काम गर्दै आएको समुहले लागू औषध प्रयोगकर्ताहरुका लागि उपचारको वातावरण सृजना गर्दै आएको परिवर्तन समुहकी कार्यक्रम संयोजक इन्द्रा कुमारी जिसिले बताउनु। समुहले प्रयोगकर्तालाई समाजमा पुनःस्थापना गर्नको लागी निशुल्क पुनःस्थापन केन्द्र समेत संचालन गरेको छ ।

समुहले मौखिक उपचार पद्धति, क्षती न्युनिकरण कार्यक्रम र पुनःस्थापन केन्द्रको माध्यमद्वारा लागू औषध प्रयोगकर्ताहरुलाई समाजमा पुनःस्थापना गर्दै आएको जिसीले बताउनुभयो ।

कार्यक्रममा सुईबाट लागू औषध प्रयोगकर्ताहरुमा जोखिम न्युनिकरण कार्यक्रमको उपलब्धिको बारेमा समेत संस्थाको कार्यक्रम संयोजन जिसिले बताउनुभएको थियो । कोरोना संक्रमण र हालको अवस्थामा समेत कार्यक्रमको उत्साहजनक उपलब्धि हासिल गर्न सकेको बताइएको थियो ।

समुहले विभिन्न संघसंगठनका तथा सरोकारवाला निकाय संगको समन्वयमा लागु औषधको माग घटाउन शिक्षा , चेतनामुलक कार्यक्रम तथा पुनःस्थापनाको माध्यमबाट कार्यक्रम गर्दै आएको छ भने क्षती युनिकरणको लागि सुई साटासाट कार्यक्रम र मेथाडोन कार्यक्रम संचालन गरेको छ ।

सुइद्वारा लागू पदार्थ सेवन गर्ने प्रयोगकर्ताहरुमा सम्भावित एचआईभी, एड्स र हेपाटाइटिस सर्नसक्ने जोखिमबाट तत्काललाई जोगाएर उसलाई मेथाडोन उपचार पद्धति, पुनःस्थापन केद्र मार्फत समाजमा उसलाई पुनःस्थापना गर्नलाई संस्थाले कार्य गर्दै आएको चेन्ज टिमका परियोजना अधिकृत यशोधा ज्ञवालीले बताउनु भयो । समुहको फिल्डमा खटिने कर्मचारीहरुले एकपटक प्रयोगमा आइसकेको सुइ मापदण्ड अनुसार संकलन र नष्ट गरिदै आएको समेत बताउनुभयो ।

त्यस्तै समुहले विभिन्न समयमा दिवसहरुमा चेतनामूलक कार्यक्रम गर्दै छ भने स्कुल तथा कलेजहरु संगको सहकार्यमा चेतनामूलक कार्यक्रम पनि गर्दै आएको भए पनि हाल कोभिडको कारण रोकिएको बताइएको छ । समुहले हाल नियमित रुपमा ८० जनाले मेथाडोन उपचार पद्धतिबाट उपचार लिइ रहेको कार्यक्रममा बताएको छ ।

कार्यक्रममा चेन्ज टिमका अध्यक्ष तथा रिकभरिङ नेपाल लुम्बिनी प्रदेशका फोकल पर्सन प्रविण बिसीले सबै सरोकारवाला निकायहरूको समन्वयमा कार्य गर्न सके लागू औषध प्रयोकर्ताको संख्या तथा लागू औषधको मागमा कमि आउने बताएका थिए ।

सरोकारवाला संगको समन्वयात्मक बैठकमा सहभागीले देशभर तथा बाँकेमा बढ्दै गएको लागू औषध प्रयोगकर्ताको संख्याको बारेमा चिन्ता व्यक्त गरेका थिए भने सबै स्टेकहोल्डरहरुले मिलेर कार्य गर्न सके उदेश्य प्राप्तिमा सहज हुने धारणा राखेका थिए ।

कार्यक्रममा चेन्ज टिमको अध्यक्ष तथा रिकभरिङ नेपालका लुम्बिनी प्रदेश फोकल पर्सन प्रवीण बिसी, चेन्ज टिमको परियोजना अधिकृत यशोधा ज्ञवाली, नेपालगन्ज उपमहानगरपालिका स्वास्थ्य शाखा प्रमुख
राम बहादुर चन्द, स्वास्थ्य कार्यालयका बाँकेका भेसराज बस्नेत, जिल्ला प्रहरी कार्यालय बाँकेका प्रहरी निरीक्षक प्रकाश कुमार केसी, सामुदायिक प्रहरी सझेदारीका दिपेन्द्र कुमार जोशी , सन्जय कुमार चौधरी, दामुदर मरासिनी लगायतका ब्याक्तित्वहरुको सहभागीता रहेको थियो ।

कार्यक्रमको सहजीकरण चेन्ज टिमको कार्यक्रम संयोजक इन्दिरा कुमारी जिसीले गर्नु भएको थियो ।

प्रतिक्रिया