सुनका गहना किनेर ग्राहक कुलेयाम ठोकेपछि नक्कली पैसा थाहा लाग्यो

ललितपुरको ताल्छीखेलस्थित जयनाथ दुर्गा जेम्स एण्ड ज्वेलरीमा ग्राहकले नक्कली नोट दिएर सुन खरिद गरेको भेटिएको छ ।लसुनका गहना किनेर  ग्राहक  कुलेयाम ठोकेपछि नक्कली पैसा थाहा लाग्यो
बिहीबार उक्त ज्वलेर्सबाट प्रहरीले ४ लाख ६५ हजार रुपैयाँ नक्कली नोट बरामद गरेको छ ।

सुन पसलका सञ्चालक डम्बरबहादुर रिजालकाअनुसार सुन किन्न आएका ग्राहकले ५ लाख रुपैयाँ दिएर तिलहरी, नेक्लेस, औंठीलगायत गहना खरिद गरेका थिए । उनीहरुले १/१ लाखको पाँचवटा बण्डल दिएका थिए ।

पैसाको बिटाको अगाडि र पछाडि सक्क्ली नोट भएपनि बीचमा नक्कली नोट राखिएको महानगरीय प्रहरी वृत्त सातदोबाटोका डीएसपी मित्रबन्धु शर्माले बताए । 

हतारहतार गरेर १७ मिनेटमा काम सकेर पसलबाट ग्राहक  बाहिरिका थिए । पसल सञ्चालक रिजालले भने, ‘बिल बनाउँदै गर्दा सुन किन्न आएका उनीहरु एकाएक फरार भए ।’

पैसा राम्रोसँग नहेरी बिल बनाउन थालेको बेला सुन किन्न भनेर आएका उनीहरु भागेको रिजालले प्रहरीसमक्ष बताएका छन् । फरार उनीहरुको खोजीकार्य भइरहेको ललितपुर परिसरका डीएसपी सन्तोष तामाङले बताए । 

गहनाको बिल बनाउँदै गर्दा एकाएक फरार भएपछि सञ्चालक रिजालले प्रहरीलाई सूचना दिएका थिए । प्रहरी घटनास्थलमा पुगेर सीसीटिभी फुटेज हेरेको थियो । सीसीटिभी फुटेजमा हेल्मेट लगाएका २ जना मोटरसाकल चढेर भागेको देखिएको प्रहरीले बताएको छ ।

प्रतिक्रिया