आज मध्यरात देखि लागू हुनेगरी पेट्रोलियम पदार्थको मुल्य बढ्यो

काठमाडौं – नेपाल आयल निगमले आज मध्यरात देखि लागू हुनेगरी पेट्रोलियम पदार्थको मूल्य समायोजन गरेको छ । शनिबार राति १२ बजेबाट लागू हुनेगरी डिजेल,पेट्रोल र मट्टीतेलमा प्रति लिटर दुई दुई रुपैयाँका दरले मूल्य बढाईएको निगमका प्रवक्ता विनितमणि उपाध्ययले जानकारी दिए ।

नयाँ मूल्यवृद्धिपछि डिजेल , मट्टीतेल र पेट्रोलको मुल्य काठमाडौं उपत्यकामा प्रतिलिटर क्रमश ९० र १ सय ४ रुपैयाँ कायम भएको छ भने खाना पकाउने ग्यास र हवाई इन्धनको मूल्य भने समायोजन नगरिएको निगमले जनाएको छ ।

अगष्ट १ तारिखमा  भारतीय आयल कर्पाेरेसनबाट प्राप्त नयाँ मूल्य अनुसार पेट्रोलियमको मूल्य बढेर प्राप्त भएकाले स्वचालित मूल्य समायोजन कार्यविधि अनुसार मूल्य बढाइएको निगमको स्पष्टीकरण छ ।

जुलाई १६ मा प्राप्त मूल्यअनुसार नै निगमलाई पाक्षिक ६ करोड बढी घाटा रहेको प्रवक्ता उपाध्यायले बताए । अन्तर्राष्ट्रिय बजारमा बढ्दो कच्चा तेलको भाउले निगमलाई हाल पेट्रोलमा एक रुपैयाँ २३ पैसा र डिजेलमा एक रुपैयाँ १५ पैसा घाटा रहेको निगमले जनाएको छ । यसभन्दा अघि २०७७ असार २६ गते निगमले डिजेल, पेट्रोल र मट्टीतेलमा एक एक रुपैयाँ मूल्य बढाएको थियो ।


Loading…

प्रतिक्रिया