आज बाँकेमा ८ जना नयाँ कोरोना संक्रमित थपिए

नेपालगंज : आज बाँकेमा  ८ जनामा थप कोरोना पुष्टि भएको छ।  बाँकेका कोभिड १९ फोकल पर्सन तेज वलीले  दिएको जानकारी अनुसार आज भेरी अस्पतालको प्रयोगशालामा गरिएको परिक्षणमा ६ जनामा , नेपालगन्ज मेडिकल कलेज शिक्षण अस्पताल कोहलपुरको प्रयोगशालामा  २ जनामा  र  बागेश्वरी डाइग्नोष्टिक सेण्टरमा गरिएको परीक्षणमा ० जना गरेर ८ जनामा  कोरोना पुष्टि भएको हो ।

आज देखिएका ६ महिला र २ पुरुष गरेर  ८ सहित बाँकेमा कोरोना संक्रमणको सङ्ख्या  ४ हजार ५ सय  ६३ जना पुगेको छ भने कोरोनाबाट मृत्यु हुनेको संख्या बाँके जिल्लाका  ४९ जना र बाहिरी जिल्लाका बाँकेमा उपचार गराउदा गराउदै मृत्यु हुनेको सङ्ख्या ८४ जना पुगेको छ ।

एकतातिर बाँकेमा दिन प्रतिदिन कोरोना संक्रमणको सङ्ख्या  बढिरहेको छ भने कोरोना भाइरस (कोभिड १९) लाई  जितेर घर फर्कनेको संख्या पनि उत्तिकै छ । आज ९ जना घर फर्किए संगै आज सम्म बाँकेमा कोरोना जितेर घर फर्कनेको संख्या  ४ हजार ४ सय २०  जना  रहेका छन् भने ९४ जना जिल्लाको विभिन्न आइसोलेसना सेन्टरहरुमा उपचारार्थ रहेका छन् ।

प्रतिक्रिया